×
المنهج العلمي : كيفاش العلماء تيشتغلو؟
February 6, 2020
علوم

أي بحث فالبيولوجيا عادة تيبدا بملاحظة تتشد الإنتباه ديال الباحث أو العالم. على سبيل المثال ، ممكن لمتخصص فأمراض السرطان أنه يلاحظ أن شي أنواع ديال السرطان ميمكنش يتعالج بالعلاج الكيميائي ويطرح السؤال على السبب ديال هادشي. عالم بحار مثلا ، يقدر يلاحظ أن الشعاب المرجانية تيرجع اللون ديالها بيض و يعرف الأسباب لي خلات اللون ديالعا يتغير.
كيفاش علماء البيولوجيا تيكملو على الملاحظات ديالهم ؟ كيفاش نقدرو حنا نتابعو الملاحظات ديالنا فالطبيعة والكون ؟ فهاد المقال غادي نتعرفو على شي حاجة سميتها "المنهج العلمي" لي هو نهج منطقي تيستخدموه علماء البيولوجيا وعلماء آخرين باش يحلو مشاكل تتواجههم .

فاللب ديال البيولوجيا وباقي العلوم كاين منهج ديال حل المشاكل ، هاد المنهج سميتو 'المنهج العلمي' ، عندو 5 ديال الخطوات زائد خطوة أخرى .
1- الملاحظة.
2- تنطرحو سؤال .
3- تنكونو فرضية أو تفسير قابل للتجريب.
4- تنعطيو تنبؤ مبني على الفرضية.
5- تنجربو التنبؤ.
6- تنستعملو النتائج باش نعطيو فرضيات جداد أو تنبؤات.

المنهج العلمي تنستعملوه فجميع العلوم ، بحال الكيمياء ، الفيزياء ، البيولوجيا ، الجيولوجيا و حتى علم النفس. جميع العلماء فهاد المجالات تيطرحو أسئلة و تيديرو تجارب. تيستعملو نفس الطريقة أو المنهج باش يلقاو أجوبة منطقية و مدعومة بالبراهين والدلائل.

ما رأيك ؟ يمكنك إضافة تعليق. تجدر الإشارة أن التعليقات لاتعبر إلا عن أصحابها وأي تعليق يحتوي على سب أو شتم أو كلام غير أخلاقي فسيتم حذفها.


الأحرف المتبقية -1000 /1000
تم إرسال التعليق بنجاح سيظهر في الساعات المقبلة للأسف لم يتم إرسال التعليق بنجاح المرجو إعادة المحاولة لاحقا
تعليقات الزوار
لا يوجد أي تعليق