×
علماء اكتشفو خلايا مناعية قادرة تقضي على بعض أنواع السرطان
January 21, 2020
علوم

الإكتشاف الجديد ديال نوع جديد من مستقبلات خلايا مناعية يقدر يفتح المجال لنوع جديد ديال معالجة السرطان بالخلايا T لي قادرة تهاجم طيف كبير من السرطانات لي تيعاني منها المرضى من الناس بلا الحاجة لعلاج مصايب بشكل خاص للمريض.

الباحثين لي ورا هاد الإكتشاف قالو أن التجارب مازالين فالطور الأول ، و أنهم دارو التجارب فقط على فئران التجارب و خلايا الإنسان فالمختبر، ومازال ماجربوها على مرضى أحياء. ولكن النتائج البدئية جد مبشرة و تقدر تكون خطوة لتقدم غير مسبوق فالعلاج بالخلايا T.

باش نعرفو علاش ، خصنا نشوفو شناهي خلايا T وشنو هي العلاجات بالخلايا T ، حيث هاد العلاجات حقل جديد من العلاج ديال الأورام.

الخلايا T هي نوع من كريات الدم البيضا لي عندها دور أساسي فالنظام المناعي ديال الجسم، ملي تتلامس الكريات البيضاء الخلايا الغريبة أو لي مابقاتش صالحة، فهي تدمرها وتتساعدنا على القضاء على الأمراض.

فالعلاج بالخلايا T ، العلماء تيضاعفو هاد الخاصية الطبيعية لي فالخلايا T باش يقضيو على خلايا الأورام بشكل خاص.

فهاد النوع من العلاج ، الأطباء تيستخرجو الخلايا T من الدم ديال المرضى ، تيغيرو الهندسة الجينية ديال الخلايا فالمختبر باش يجعلوها قادرة أنها تعرف وتهاجم الخلايا السرطانية بالتحديد. هاد الخلايا T المعدلة تيخليوها تكاثر فالمختبر قبل ميحقنوها للمرضى بالسرطان.

نتائج الأبحاث كاين فهاد التقرير.

ما رأيك ؟ يمكنك إضافة تعليق. تجدر الإشارة أن التعليقات لاتعبر إلا عن أصحابها وأي تعليق يحتوي على سب أو شتم أو كلام غير أخلاقي فسيتم حذفها.


الأحرف المتبقية -1000 /1000
تم إرسال التعليق بنجاح سيظهر في الساعات المقبلة للأسف لم يتم إرسال التعليق بنجاح المرجو إعادة المحاولة لاحقا
تعليقات الزوار
لا يوجد أي تعليق