×
إنجاز غير مسبوق ! علماء صنعو ربوت بيولوجي من خلايا جنينية ديال ضفدع
January 15, 2020
علوم
الربوت كزينزبوت ب 4 'أرجل'

فريق ديال الباحثين صايبو على حسب الإدعاء ديالهم، أول الربوتات الحية. الإيكزينوبوت، قالو أنه قادر يتحرك، و يشبر الأشياء و يداوي راسو فحالة إذا ما تقطع شي طرف منو.

الفريق تيتمنى أن الآلات البيولوجية تكون قادرة فالمستقبل أنها تحل مشاكل اليلاستيك فالمحيطات أو حتى توصل الأدوية لداخل جسم الإنسان، حسب تقرير الغارديان.

باش يصايبو الربوت الجديد، فريق الباحثين استعمل خلايا حية من جنين ديال الضفدع و جمعوهم وكونو منهم كائنات بدائية.

واحد من أبرز الباحثين ، جوشوا بونغارد ، خبير فمجال الربوتيك فجامعة فيرمو، قال فواحد المقال، " الربوتات الجداد ماشي ربوتات اعتياديين تقليديين و ماشي شي نوع ديال كائنات حية معروفة، هذا طراز جديد من صناعة الإنسان : كائن حيوي قابل للبرمجة"

هاد الربوتات المليمترية تصايبو بواحد الحاسوب فائق مخدم "خوارزمية تطورية" لي اختبرت الآلاف من التصاميم ثلاثية الأبعاد لأشكال الحياة البدائية داخل المحاكاة.

الربوتات الصغيرة عندها تقريبا أسبوع حتى ل10 أيام من مدة الحياة، كانت فيها خلايا القلب الحية قادرة تمدد وتقلص بلا أي تدخل خارجي.

ما رأيك ؟ يمكنك إضافة تعليق. تجدر الإشارة أن التعليقات لاتعبر إلا عن أصحابها وأي تعليق يحتوي على سب أو شتم أو كلام غير أخلاقي فسيتم حذفها.


الأحرف المتبقية -1000 /1000
تم إرسال التعليق بنجاح سيظهر في الساعات المقبلة للأسف لم يتم إرسال التعليق بنجاح المرجو إعادة المحاولة لاحقا
تعليقات الزوار
لا يوجد أي تعليق