×
الإنسان وأهمية الفيتامين د
December 29, 2019
صحة

فيتامين د تيتسمى بعض المرات "فيتامين أشعة الشمس" حيث تيتنتج فالجلد ديال الجسم كرد فعل ديال التفاعل مع أشعة الشمس. هو فيتامين قابل للذوبان فالدهون من عائلة فيتامينات فيها فيتامين د1 و د2 و د3.

جسم الإنسان تينتج فيتامين د بشكل طبيعي ملي تيكون معرض لأشعة الشمس. تيمكن للجسم يحصل على هاد الفيتامين من بعض الأغذية و المكملات الغذائية باش يضبط المستوى ديال الفيتامين فالدم.

فيتامين د عندو بزاف ديال الأدوار المهمة . ربما الأهم منها هي أنه تينظم امتصاص الكالسيوم و الفوسفور ، و تيسهل العملية الطبيعية ديال نظام المناعة. كمية كافية من فيتامين د هي ضرورية لنمو طبيعي و تطور العظام و الأسنان ، وحتى لمقاومة بعض الأمراض. إذا محصلش الجسم على كمية كافية من فيتامين د ، فالجسم تيكون معرض لبزاف المخاطر منها هشاشة العظام.

هادي لائحة ديال فوائد فيتامين د :

1. فيتامين د تيقاوم الأمراض

بالإضافة للمنافع الأولية ديالو ، الباحثين تيقولو أن الفيتامين د يمكن يلعب دور ف :

2. فيتامين د تينقص من الإكتئاب

الأبحاث بينت أن فيتامين د يقدر يلعب دور مهم فضبط المزاج و ينقص من الإكتئاب. فواحد الدراسة ، العلماء لقاو أن الناس لي تيعانيو من الإكتئاب و خداو مكمل من فيتامين د لاحظو تحسن فالأعراض ديالهم.

فدراسة أخرى على ناس مراض بالألم الليفي العضلي ، الباحثين لقاو أن النقص ففيتامين د كان فأغلب الناس لي تيعانيو من القلق والإكتئاب.

3. فيتامين د تيساعد فالنقص من الوزن

لقاو فواحد الدراسة أن الناس لي تياخذو كالسيوم و مكمل من فيتامين د ، كانو قادرين يفقدو من الوزن ديالهم أكثر من الناس لي خداو مكملات غذائية أخرى. العلماء لقاو أن الكالسيوم مع فيتامين د عندو تأثير ديال فقدان الشهية.

الأغذية لي فيها فيتامين د

أغذية قليلة لي فيها فيتامين د بشكل طبيعي . بسبب هادشي ، بعض الأغذية تيضاف ليها فيتامين د. الأغذية لي فيها فيتامين د كنلقاو :

  • السلمون
  • السردين
  • البيض
  • الحليب المقوى
  • الياغورت المقوى
  • عصير البرتقال

يمكن يكون صعيب انك تاخذ كمية كافية من فيتامين د كل يوم غير بالتعرض لأشعة الشمس و الماكلة ، داكشي علاش خصك تاخذ مكملات من فيتامين د.

ما رأيك ؟ يمكنك إضافة تعليق. تجدر الإشارة أن التعليقات لاتعبر إلا عن أصحابها وأي تعليق يحتوي على سب أو شتم أو كلام غير أخلاقي فسيتم حذفها.


الأحرف المتبقية -1000 /1000
تم إرسال التعليق بنجاح سيظهر في الساعات المقبلة للأسف لم يتم إرسال التعليق بنجاح المرجو إعادة المحاولة لاحقا
تعليقات الزوار
لا يوجد أي تعليق