مكاينش فينا لي ماعمرو سمع أن شي واحد مات فوسط الدوش ! ولكن بزاف منا ماعرفش بالضبط شنو هو السبب وغالبا تنعطيو تفاسير خاطئة بحال مثلا أن الغاز ديال البوطة تسرب وخنق السيد ولا السيدة لي تيدوشو. بينما فالواقع ماشي هاد الشي لي تيوقع بالضبط . الأمر تيطلب معادلات كيميائية وشويــــة ديال الذكاء باش نفسرو هادشي

نبداو ، الغاز لي تيكون فالبوطة سميتو غاز البوطان تيرمزولو العلماء ديال الكيماء ب
ملي تتكون شاعلة العافية ديال مدفئ الماء تيتفاعل مع الأكسجين لي تيرمزولو C4H10
المعادلة ديال هاد التفاعل تتكتب على هاد الشكل . O2 ب
2C4H10(g)+13O2(g)→10H2O(g)+8CO2(g)
بلا ماتخافو هادشي غير رموز تتسهل على لي تيدرسو هادشي يقدرو يلعبو بالمعادلات كيفما بغاو . المهم فالجهة اليسرى كاين غاز البوطان زائد الأوكسجين . التفاعل ديالهم هو تيعطينا داكشي لي فالجهة على اليمين لي فيها بخار الما و ثنائي أكسيد الكربون لي هو .المسبب ديال الإحتباس الحراري

ملي تيكون الأكسجين قليل بزاف المعادلة ديال التفاعل بين غاز البوطان والأكسجين تتكون مختالفة وعوض ماينتج عليها ثنائي أكسيد الكربون تينتج عليها غاز سام لي هو أحادي أكسيد الكربون وهدا هو لي تيسمم الضحية وتيأثر على القلب وعلى الجهاز العصبي. المعادلة ديال التفاعل بالرموز العلمية هاكيفاش تتكتب
2 C₄H₁₀ + 9 O₂ → 8 CO + 10 H₂O