الحكومة البريطانية تتخطط باش تبدى منع بيع السيارات الجديدة لي خدامة بالبنزين ، المازوط وليصانص ابتداءاً من سنة 2030 بعدما كانت مخطط ليها تكون ف2040.

الحكومة عندها أمل فأن هاد الخطة غادي تقوي سوق السيارات الكهربائية فالمملكة المتحدة وغادي تساعد الدولة فأنها تحقق أهداف المناخ منها التقليص من انبعاث الغازات لي تتسبب فالانحباس الحراري لي يقدر يولي منعدم بحلول سنة 2050.

العلماء والأكاديميين والنشطاء ، طلبوا من الحكومة باش تكثف المجهودات باش تسترجع المناخ لأكثر مستوى ممكن من الأمان .

النشطاء فمجال البيئة امضاو رسالة تيقولو فيها : "الأزمة المناخية كاينة دابا . وخا نوصل لصفر من انبعاثات الغازات المسببة للاحتباس الحراري فأقصر مدة زمنية فراه العواقب الكارثية ديال الأزمة المناخية مغاديش تزول .... فمنع انبعاث الغازات المسببة للاحتباس الحراري مكافيش."

وخا ارتفعت الشعبية ديالها ، والطلب تضاعف عليها فالسنة الماضية ، فرا قطاع السيارات الكهربائية تيشكل فقط 7% تقريبا من مجموع السيارات لي شراوها المستعملين فالمملكة المتحدة فشهر أكتوبر من سنة 2020.