كيفاش تستفد من الحجر الصحي فداركم
March 26, 2020
صحة

بزاف ديال الدول فرضت الحجر الصحي على المواطنين ديالها و لزمت عليهم تصريح باش يقضيو حاجياتهم الضرورية بحال فحالة مشاكل صحية أو التجارة فالحاجيات الضرورية منها البقالة و بيع الخضر والفواكه و المواد الغذاية عموما ، هاد الحجر الصحي ضروري باش الدولة تقدر تغلب على هاد الوباء الخطير ، ولكن البقاء فالدار لأسابيع تيخلي الإنسان يحس بالملل والروتين ، رغم هادشي يمكن للإنسان يستفد من هاد المدة ديال الحجر الصحي وميخليهاش تكون مضيعة ديال الوقت.

التوقف على استهلاك المخدرات

بزاف ديال الناس تيخسرو أموال كثيرة فالمخدرات ، هادي هي الفرصة باش يقضيو على الإدمان على هاد الآفات لي تتهلك الصحة وتتخوي الجيب. بالتالي ، الصحة غادية تحسن و غادي يوفرو على الأقل 20 درهم كل يوم يقدرو يسدو بها حاجيات يومية أخرى.

التوقف على أكل الوجبات السريعة

نمط الحياة وطبيعة العمل خلى بزاف ديال الناس يلتاجؤو للوجبات السريعة كطريقة لربح الوقت ، لكن ففترة الحجر الصحي غادي يكون وقت كافي للإنسان باش يوجد أو يتناول أغذية صحية و غادي يوفر أيضا مال مهم.

مساعدة الأبناء فالدراسة

البقاء فالدار هو فرصة باش الآباء أو الأخوة الكبار يراجعو مع الأبناء أو الأخوة ديالهم المقررات الدراسية أو على الأقل يراقبو القيام ديالهم بالواجبات المدرسية و يعوضو غياب دور الأساتذة ديالهم.

تعلم لغات ومهارات جديدة

الأنترنت عامر بدروس مجانية فجميع المجالات ، منها اللغات ، البرمجة ، الطبخ ، مؤخرا بزاف ديال منصات التعليم عن بعد وضعت الخدمات ديالها بشكل مجاني للعموم.