آلة جديدة تتكشف على الإصابة بفيروس كورونا فأقل من ساعة
March 27, 2020
صحة

خبراء فبريطانيا من جامعة لانسيستر وجامعة برانل فلندن وجامعة سوراي، طوروا آلة كشف ذكية جديدة قادرة تكشف على الإصابة بفيروس كورونا المستجد بسرعة بالمساعدة ديال تطبيق فالهواتف الذكية.

آلة الكشف الذكية قادرة فظرف 30 دقيقة تعطي النتائج على الاصابة بفيروس كورونا باستعمال الذكاء الاصطناعي ، تحليل الصور و علم الفيروسات الجزيئي على حسب واحد الإعلان. باحثين قالو أن الإختبار يقدرو يستعملوه المشتغلين فقطاع الصحة باش يختبرو المرضى أو يخلي الناس تقلب راسها.

الآلة تتشتغل بهاد الطريقة : تتخاذ عينات من النيف أو الحلق من المريض وتدخل فالجهاز لي متزامن مع تطبيق فالهاتف الذكي . الباحثين تيقولو أن التطبيق تيقدر يتحكم فالجهاز أو يتبع التحركات ديال المريض باش يقللو من انتشار الفيروس.

الباحثين خدامين على طرق تتسمح للتطبيق باش يحذر الآخرين فحالة إذا كانوا قراب من أشخاص مصابين بفيروس كورونا المستجد. ثمن الجهاز يقدر يوصل ل 120 دولار أمريكي أي حوالي 1000 درهم مغربية ويقدر يختبر 6 ديال الأشخاص على الأكثر.