دواء “هيدروكسي كلوروكوين” كعلاج للمرضى بفيروس كورونا
March 24, 2020
صحة

بينما خبراء الصحة فالعالم فسباق باش يلقاو طرق ديال العلاج من فيروس كورونا ، أو ربما شي لقاح ، زوج أدوية بانو فالواجهة ، الأمر تيتعلق بالكلوروكوين و هيدروكسيكلوروكوين.

بزاف ديال الدول رخصت للأطباء باش يستخدمو دوا ديال "هيدروكسيكلوروكوين" باش يعالجو بيها المرضى بفيروس كورونا ، من هاد الدول كاين فرنسا ، الأردن و المغرب وبزاف ديال الدول.

مهم فالقضاء على الملاريا

كلوروكوين تيستعمل فعلاج الملاريا و حتى فالوقاية ضد التطور ديال مرض الملاريا على حسب مراكز الولايات المتحدة الأمريكية للتحكم والوقاية من الأمراض. من سنة 2006 مكانش مسموح بالاستعمال ديالو فالحالات ديال الملاريا الصعيبة حيث تيسبب فمشاكل متعلقة بالمقاومة على حسب منظمة الصحة العالمية لي وضعاتو فلائحة الأدوية المهمة يعني خص يكون متاح فأي وقت.

على حسب منظمة مسجلة فسويسرا سميتها مشروع أدوية للملاريا ، الكلوروكوين مشتق من الكوينين ، لي كيميائيين فرنسيين فسنة 1820 استخرجوه من اللحاء ديال شجرة سينشونا فأمريكا الجنوبية ، استخدموه فعلاج الحمى. علماء ألمان صايبو الكلوروكوين فسنة 1934 باش يكون جزء من مضادات الملاريا. المؤسسة لي مسؤولة على مشروع أدوية للملاريا، قالت أن الكلوروكوين و DDT كانوا زوج أسلحة مهمين فالحملة ديال منظمة الصحة العالمية للقضاء على الملاريا بعد الحرب العالمية الثانية. دراسة موثقة فجريدة علم البيولوجيا فيها أن الكلوروكوين فوسفاط بين فعالية و أمان مقبول ضد التهاب الرئة بسبب COVID-19 فتجارب فالصين لي نصحت بالاستخدام ديالو ضد فيروس كورونا المستجد.